این اے129:حماد اظہر کا ضمنی الیکشن میں حصہ نہ لینے کا اعلان

لاہور:پاکستان تحریک انصاف کے مفرور رہنمامیاں حماد اظہر نے این اے129  ضمنی الیکشن میں حصہ نہ لینے کا اعلان کیا ہے۔

تفصیلات کے مطابق سماجی رابطے کی ویب سائٹ ایکس پر پوسٹ کرتے ہوئے انہوں نے کہا کہ میاں اظہر کی خالی نشست پر ان کا بھانجا الیکشن کیلئے نامزد کیا ہے۔

اپنے بیان میں انہوں نے مزید کہا کہ چوہدری ارسلان کو الیکشن لڑایاجائےگا،میرے لئے انتخابی مہم میں حصہ لینا ممکن نہیں ،انتخابی مہم کی انچارج میری ہمشیرہ ہوں گی۔

 حماد اظہرنے مزیدکہاکہ ارسلان ظہیرنے میرے والد اور میری ماضی کی انتخابی مہم میں ہمارے ساتھ کام کیا اور انشاللہ باآسانی اس نشست پر کامیاب ہوں گے۔

ارسلان احمدکے والد 2020 ء میں کووڈ سے انتقال کر گئے تھے جس کے بعد میرے والد میاں اظہر مرحوم نے ان کی سرپرستی کی اور وہ انھیں وہ انھیں اپنا دوسرا بیٹا تصور کرتے تھے۔

حماد اظہر نے کہاکہ ان پر 9 مئی کا کوئی جعلی مقدمہ بھی نہیں کیونکہ یہ اس روز ملک سے باہر تھے اور الیکشن جیتنے کے بعد جبری نااہلی کا بھی سوال پیدا نہیں ہوتا۔