وزیراعظم  سے ایئر چیف کی ملاقات، پاک فضائیہ کے پیشہ وارانہ امور پر تبادلہ خیال

اسلام آباد: وزیراعظم شہباز شریف سے چیف آف دی ایئر اسٹاف ایئرچیف مارشل ظہیر احمد بابر سدھو نے ملاقات کی، جس میں پاک فضائیہ کے پیشہ ورانہ امور اور ملکی دفاع کے حوالے سے تبادلہ خیال کیا گیا۔

تفصیلات کے مطابق وزیراعظم نے اس موقع پر وطنِ عزیز کے دفاع میں پاک فضائیہ کے کردار کو شاندار خراجِ تحسین پیش کرتے ہوئے کہا کہ پاک فضائیہ کے شاہین ملک و ملت کی حفاظت کے لیے سیسہ پلائی دیوار ہیں۔

وزیراعظم نے کہا کہ پاک فضائیہ نے ہر محاذ پر جرات و بہادری کی مثال قائم کی ہے،ان کا مزید کہنا تھا کہ معرکہ حق و باطل میں شاہینوں نے دشمن کے جہاز گرا کر اسے کاری ضرب لگائی۔