سونے کی قیمت میں مسلسل پانچویں روز بڑااضافہ،فی تولہ کتنےکا ہو گیا؟

کراچی:عالمی و مقامی مارکیٹوں میں سونے کی قیمتوں میں مسلسل اضافہ ریکارڈ کیا جا رہا ہےجس کے بعد قیمت تاریخ کی بلند ترین سطح پر پہنچ گئی ہے۔

آل پاکستان جیمز اینڈ جیولرز ایسوسی ایشن کے مطابق سونے کے نرخ میں مسلسل پانچویں دن اضافہ ہوا ہے، آج ہفتے کے روز مقامی مارکیٹوں میں سونے کے فی تولہ نرخ 3600 روپے بڑھ گئے ہیں،جس کے باعث سونے کی فی تولہ قیمت 3 لاکھ 67 ہزار 400 روپے کی بلند ترین سطح پر پہنچ گئی ہے۔

اسی طرح دس گرام سونے کی قیمت میں 3172 روپے کا اضافہ ریکارڈ کیا گیا ہے جس کے بعدسونے کی نئی قیمت بڑھ کر تین لاکھ 14 ہزار 986 روپے ہو گئی ہے۔

دوسری جانب عالمی بلین مارکیٹ میں سونا 36 ڈالر مزید مہنگا ہوا ہے جس کے بعد فی اونس سونے کے نرخ 3 ہزار 447 ڈالر تک پہنچ گئے ہیں۔

خیال رہے کہ گزشتہ روز سونے کی قیمت میں 1200روپے جبکہ اس سے ایک روز قبل 900 روپے کا اضافہ ریکارڈ کیا گیا تھا۔