مصر: مسافر ٹرین کو خوفناک حادثہ ،3 افراد جاں بحق ،درجنوں زخمی 

قاہرہ: مصر میں مسافر ٹرین خوفناک حادثے کا شکار ہو گئی جس کے نتیجے میں 3 افراد جاں بحق اور 94 زخمی ہو گئے۔

غیر ملکی میڈیا کے مطابق حادثہ مغربی مصر میں پیش آیا ، مسافروں سے بھری ٹرین  صوبہ متروح سے قاہرہ جا رہی تھی۔

مصری ریلوے حکام کے مطابق حادثے کے دوران ٹرین کی 7 بوگیاں پٹری سے اتر گئیں، جن میں سے دو بوگیاں مکمل طور پر الٹ گئیں، جس کے نتیجے میں بڑا جانی نقصان ہوا۔

ابتدائی اعداد و شمار کے مطابق اس افسوسناک حادثے میں 3 افراد موقع پر ہی جاں بحق ہوگئے، جبکہ 94 سے زائد مسافر زخمی ہوئے۔ زخمیوں میں کئی کی حالت تشویشناک بتائی جارہی ہے۔

میڈیا رپورٹ کے مطابق واقعے کی اطلاع ملتے ہی ایمبولینسز اور ریسکیو ٹیمیں موقع پر پہنچ گئیں جنہوں نے زخمیوں کو اسپتال منتقل کر دیا۔
ریسکیو حکام کے مطابق بعض زخمیوں کی حالت تشویشناک بتائی جا رہی ہےے ، حکام نے حادثے کی تحقیقات کا آغاز کر دیا ہے۔

دوسری جانب ریلوے حکام کا کہنا ہے کہ حادثے کی وجوہات جاننے کیلئے تحقیقات کا آغاز کردیا گیا ہے۔

ابتدائی طور پر خدشہ ظاہر کیا جا رہا ہے کہ ٹرین کے پٹری سے اترنے کی وجہ فنی خرابی یا ٹریک میں تکنیکی مسئلہ ہوسکتا ہے، تاہم حتمی رپورٹ تحقیقاتی کمیٹی کے بعد سامنے آئے گی۔