سونا مزید مہنگا ،نئی قیمت تاریخ کی بلند ترین سطح پر پہنچ گئی،فی تولہ کتنے کا ہو گیا؟

کراچی: عالمی و مقامی مارکیٹوں میں سونے کی قیمت میں آج بھی بڑا اضافہ ہوگیا جس کے بعد سونے کا بھاؤتاریخ کی بلند ترین سطح پر پہنچ گیا۔
آل پاکستان جیمز اینڈ جیولرزایسوسی ایشن کے مطابق کاروباری ہفتے کے پہلے روزمقامی مارکیٹوں میں فی تولہ سونے کی قیمت میں 3300 روپے کا اضافہ ہوا ہے جس کے بعد سونے کی نئی قیمت بڑھ کر 3لاکھ 70ہزار 700روپے کی نئی بلند ترین سطح پر آگئی۔

اسی طرح دس گرام سونے کی قیمت میں بھی 2829روپے کا اضافہ ریکارڈ کیا گیا ہے جس کے دس گرام سونے کی نئی قیمت بڑھ کر 3لاکھ 17ہزار 815روپے کی نئی بلند ترین سطح پر آگئی۔

دوسری جانب عالمی بلین مارکیٹ میں فی اونس سونے کی قیمت میں 33ڈالر کا اضافہ ریکارڈ کیا گیا ہے جس کے بعد عالمی مارکیٹ میں سونے کی نئی قیمت 3ہزار 480ڈالر کی نئی بلندترین سطح پر آگئی۔