پی ٹی آئی کا قومی اسمبلی اجلاس سے بائیکاٹ کا فیصلہ،پارلیمنٹ کے باہر اپنی اسمبلی لگا لی

اسلام آباد: پاکستان تحریک انصاف (پی ٹی آئی )نے قومی اسمبلی اجلاس کے بائیکاٹ کا فیصلہ کرتے ہوئے پارلیمنٹ کے باہر اپنی اسمبلی لگا لی۔

تفصیلات کے مطابق اسد قیصر، بیرسٹر گوہر ، عامر ڈوگر اجلاس کا بائیکاٹ کرکے پارلیمنٹ سے باہر آئے، پی ٹی آئی ارکان اسمبلی نے بانی پی ٹی آئی کی رہائی کیلئے نعرے لگائے۔

اسد قیصر کا کہناتھا کہ ہم آج اجلاس کا واک آؤٹ کرتے ہیں،ہمیں آئینی حقوق حاصل نہیں،ہم نے کمیٹیوں سے بھی استعفے دے دیئے ہیں۔

پی ٹی آئی ارکان اسمبلی نے پارلیمنٹ کے باہر اپنی اسمبلی لگا لی،اسد قیصر پارلیمنٹ کے باہر اسمبلی اجلاس کی صدارت کررہےہیں۔

پارلیمنٹ کے باہر اسمبلی کے علامتی اجلاس سے بیرسٹر گوہر نے گفتگو کرتے ہوئے کہاکہ ہمارا پارلیمان میں حق چھینا گیا اس لئے عوامی اسمبلی لگائی۔

 پی ٹی آئی کا موقف ہے کہ موجودہ حکومت عوامی مسائل پر توجہ دینے میں ناکام رہی ہے، جس کے نتیجے میں پارٹی نے اسمبلی کے اجلاس میں شرکت نہ کرنے کا فیصلہ کیا ہے۔ اس دوران پارٹی رہنماؤں نے عوام سے بھی اپیل کی ہے کہ وہ سیاسی اور اقتصادی مسائل پر نظر رکھیں اور حکومت سے شفافیت اور جوابدہی کا مطالبہ کرتے رہیں۔