ٹک ٹاکر سامعہ حجاب کو مبینہ طور پر اغوا اور ہراساں کرنے والا ملزم گرفتار

اسلام آباد پولیس نےکارروائی کرتے ہوئے ٹک ٹاکر سامعہ حجاب کو ہراساں ، قتل اور اغوا کرنے کی دھمکیاں دینے کے الزام میں حسن زاہد نامی شخص کو گرفتار کر لیا۔

ترجمان اسلام آباد پولیس کے مطابق کارروائی سامعہ حجاب کی شکایت اور ویڈیو بیان موصول ہونے کے بعد کی گئی۔ اس سلسلے میں تھانہ شالیمار میں مقدمہ درج کیا گیا ہے جس میں پاکستان پینل کوڈ کی دفعات 354 (خواتین کی عزت مجروح کرنے کی نیت سے حملہ یا زبردستی)، 365 (اغوا)، 392 (ڈکیتی کی سزا)، 500 (ہتکِ عزت کی سزا)، 509 (خواتین کو ہراساں کرنے) اور 511 (ناکام مجرمانہ کوشش) شامل کی گئی ہیں۔

پولیس ترجمان نے مزید بتایا کہ ملزم زاہد کئی روز سے سامعہ حجاب کا پیچھا کر رہا تھا اور اسے بار بار تحائف دے کر دباؤ ڈالنے کی کوشش کرتا رہا۔ 

سامعہ نے سوشل میڈیا پر جاری ویڈیو میں ٹک ٹاکر سامعہ نے بتایا کہ ملزم نے مجھے شادی کی پیشکش کی تھی، انکار پر وہ ہراساں کرتا رہا اور میرے گھر تک پہنچ گیا، بعد ازاں حسن زاہد نے واضح دھمکی دی تھی کہ اگر میں نے شادی سے انکار کیا تو وہ مجھے قتل کر دے گا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Samiya Hijab jafari (@_samiyashianz_)

خیال رہے کہ اس سے قبل ایک ویڈیو بیان میں ٹک ٹاکر سامعہ نےکہا تھا کہ ’ملزم نے میرے گھر کی گھنٹی بجائی اور دروازہ کھلنے پر مجھے زبردستی ساتھ چلنے کو کہا، اس دوران ملزم میرا فون چھین کر گاڑی میں بیٹھ گیا، میں فون واپس لینے کے لیے بھاگی تو ملزم نے مجھے ہراساں کیا اور اغوا کی کوشش بھی کی‘۔

پولیس کے مطابق مقدمے کی مزید تفتیش جاری ہے اور ملزم کے خلاف ٹھوس شواہد اکٹھے کیے جا رہے ہیں۔