کاروباری ہفتے کے دوسرے روز سونے کی قیمتوں میں استحکام،فی تولہ کتنے کا ہو گیا؟

کراچی : کاروباری ہفتے کے دوسرے روز عالمی ومقامی مارکیٹوں میں سونے کی قیمتوں میں استحکام دیکھا گیا ہے جس کے سونے کے نرخ کل والی قیمت پر برقرار ہے۔

 آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روزمقامی مارکیٹوں میں فی تولہ سونے کی قیمت میں کوئی ردو بدل نہیں دیکھا گیا اور قیمتیں اپنی کل والی جگہ پر برقرا رہیں۔

گزشتہ روز24گرام سونے کی قیمت 3300 روپے کا اضافہ ہوا جس کے بعد سونے کی نئی قیمت بڑھ کر 3لاکھ 70ہزار 700روپے کی نئی بلند ترین سطح پہنچ گئی تھی۔

اسی طرح دس گرام سونے کی قیمت میں بھی 2829روپے کا اضافہ ریکارڈ ہوا جس کے دس گرام سونے کی نئی قیمت بڑھ کر 3لاکھ 17ہزار 815روپے ہو گئی تھی۔

دوسری جانب عالمی بلین مارکیٹ میں فی اونس سونے کی قیمت میں 33ڈالر کا اضافہ ریکارڈ کیا گیا جس کے بعد عالمی مارکیٹ میں سونے کی نئی قیمت 3ہزار 480ڈالر کی نئی بلندترین سطح پر پہنچ گئی تھی۔