پی ٹی آئی کے مزید 28اراکین قائمہ کمیٹیوں سے مستعفی 

اسلام آباد:پاکستان تحریک انصاف (پی ٹی آئی) کے مزید 28 اراکینِ قومی اسمبلی نے قائمہ کمیٹیوں کی رکنیت سے استعفیٰ دے دیا ہے۔جس کے بعد کمیٹیوں سے مستعفی ہونے والے اراکین کی مجموعی تعداد 47 ہوگئی ہے۔

ذرائع کے مطابق پی ٹی آئی کے مستعفی اراکین نے اپنے استعفے اسپیکر آفس میں جمع کوا دئیے، او ر6  پی ٹی آئی اراکین نے مختلف قائمہ کمیٹیوں کی چئیر مین شپ سے بھی استعفی دے دیا ہے۔

چیئرمین شپ سے مستعفی ہونے والوں میں جنید اکبر، عامر ڈوگر، ثناء اللہ مستی خیل، ڈاکٹر ضیاء الدین، جاوید اقبال اور حاجی امتیاز احمد شامل ہیں۔

خیال رہے کہ بانی پی ٹی آئی عمران خان کی ہدایات پر تحریک انصاف کے مختلف رہنماؤں کی جانب سے قومی اسمبلی کی قائمہ کمیٹیوں سے استفعوں کا سلسلہ جاری ہے۔