حالیہ بارشو ں اور سیلاب سےکتنا جانی و مالی نقصان ہوا؟ این ڈی ایم اےنے رپورٹ جاری کر دی

اسلام آباد: نیشنل ڈیزاسٹر مینجمنٹ اتھارٹی ( این ڈی ایم اے) نے ملک بھر میں حالیہ بارشوں اور سیلاب سے ہونے والے جانی و مالی نقصانات کی تفصیلات جاری کر دی ہین۔ 

رپورٹ کے مطابق بارشوں اور سیلابی صورتحال کے باعث اب تک 881  افراد جاں بحق اور 1176 زخمی ہو چکے ہیں ۔ 

جاں بحق ہونے والوں میں 510 مرد، 134 خواتین اور 237 بچے شامل ہیں جبکہ زخمیوں میں 565 مرد، 289 خواتین اور 322 بچے شامل ہیں۔ 

صوبائی اعدادوشمار کے مطابق پنجاب میں 223 افراد جاں بحق اور 648 زخمی ہوئے، جبکہ خیبر پختونخوا میں 48 افراد جاں بحق اور 359 زخمی ہوئے، اسی طرح سندھ میں 58 ہلاک اور 78 زخمی ہوئے اور بلوچستان میں اب تک 26 افراد جاں بحق اور 5 زخمی ہوئے ہیں۔ 

اس کے علاوہ گلگت بلتستان میں 41 ہلاکتیں اور 52 زخمی رپورٹ ہو ئے، جبکہ آزاد کشمیر میں 37 افراد جاں بحق اور 31 زخمی ہوئےاور وفاقی دارلحکومت اسلام آبادمیں 8 افراد جاں بحق اور 3 زخمی ہوئے ہیں۔ 

این ڈی ایم اے کے مطابق بارشوں اور سیلاب کے نتیجے میں 8 ہزار 206 مکانات مکمل یا جزوی طور پر تباہ ہو گئے ہیں جبکہ 6 ہزار 180 مویشی ہلاک ہوئے ہیں ۔