پاکستان ریلوے نے اچانک متعدد ٹرینیں منسوخ کر دیں ، مگر کیوں؟

لاہور: پاکستان ریلوے نے 3 مسافر ٹرینوں کو معطل کردیا ہے۔

اس حوالے سے ریلوے حکام نے وضاحت جاری کرتے ہوئے کہا ہے کہ ٹرینوں کی معطلی کا فیصلہ مسافروں کی تعدا د میں کمی ہونے کی وجہ سے کیا گیا۔ 

ریلوےحکام کےمطابق کراچی سےکوئٹہ بولان میل آج منسوخ رہےگی،اسی طرح کراچی سےپشاور خوشحال خان خٹک ایکسپریس آج معطل رہےگی،جبکہ کراچی سے لاہور شاہ حسین ایکسپریس 6ستمبر تک معطل رہےگی۔

علاوہ ازاں ریلوے حکام نے معطل ہونےوالی ٹرینوں کے مسافروں کو دوسری ٹرینوں میں ایڈجسٹ کرنے کے حوالے سے عملی کام کرنا شروع کر دیا ہے اور متعد د ٹرینیں تاخیر سے روانہ ہونگی۔

حکام کے مطابق کراچی سے سیالکوٹ تک چلنے والی علامہ اقبال ایکسپریس1گھنٹےتاخیرکےبعد4:30بجےروانہ ہوگی،جبکہ کراچی سےراولپنڈی پاکستان ایکسپریس ڈیڑھ گھنٹےتاخیر کےبعد3:30بجےروانہ ہوگی۔

اس کے علاوہ کراچی سے لالہ موسیٰ ملت ایکسپریس ایک گھنٹے تاخیر کے بعد شام6بجےروانہ ہوگی۔