سموسہ نہ کھلانے پر بیوی نے شوہر کی پٹائی کر دی،پولیس نے انوکھا مقدمہ درج کر لیا

لکھنؤ: بھارتی ریاست اترپردیش میں ایک انوکھا واقعہ پیش آیا جہاں بیوی نے سموسے نہ کھلانے پر شوہر کی پٹائی لگا دی۔

غیر ملکی میڈیا کے مطابق یہ واقعہ بھارتی ریاست اترپریش کے گاؤں پیش آیا جہاں  بیوی سنگیتا نے اپنے شوہر سے سموسمہ کھلانے کی فرمائش کی لیکن شوہر نے بیوی کو سموسہ نہ لا کر دیا۔

جس پر بیوی سنگیتا سموسہ نہ لاکر دینے پر اپنے شوہر شیوم سے ناراض ہو گئی۔ اور اس نے اگلے روز اپنے گھر والوں کو شکایت کی۔ جس پر سنگیتا کے والدین اور ماموں شیوم کو گاؤں کی پنچایت میں لے گئے،جہاں سنگیتا کے گھر والوں نے پنچایت میں ہی شیوم کو تشدد کا نشانہ بنا ڈالا۔

جس پر شیوم کی والدہ نے بہو سمیت اس کے گھر والوں کے خلاف تھانے میں شکایت درج کرا دی۔

مقامی پولیس کے مطابق شیوم کی والدہ کی شکایت پر مقدمہ درج کر لیا گیا ہے جبکہ  زخمی شوہر شیوم کو اسپتال لے جا کر طبی امداد فراہم کی گئی۔

خیال رہے کہ ایک وسیع عریض رقبے اور لسانی و نسلی گروہوں کے ملک بھارت میں آئے روز اس طرح کے انوکھے واقعات پیش آتے رہتے ہیں۔