خیبرپختونخوا کابینہ اجلاس طلب، 31 نکاتی ایجنڈے پر غور ہوگا

خیبرپختونخوا کابینہ کا اہم اجلاس کل طلب کر لیا گیا ہے، جس میں 31 نکاتی ایجنڈے پر غور کیا جائے گا۔

اجلاس کے دوران صوبائی حکومت کی کمیونیکیشن اسٹریٹجی، کیلاش و بہائی فیسٹولز اور نیشنل یوتھ گیمز کے لیے گرانٹس کی منظوری دی جائے گی، جبکہ ڈیم والے اضلاع کو بجلی منافع فنڈز میں حصہ 10 فیصد سے بڑھا کر 15 فیصد کرنے کا فیصلہ بھی زیرِ غور آئے گا۔

ذرائع کے مطابق کابینہ نوشہرہ میں سفاری پارک اور اسلام آباد میں خیبرپختونخوا آرٹس اینڈ کلچر سینٹر کے قیام کی منظوری دے گی۔ اس کے علاوہ کابینہ اجلاس میں صوبے کی کم از کم ماہانہ اجرت 36 ہزار روپے سے بڑھا کر 40 ہزار روپے مقرر کرنے کی منظوری بھی دی جائے گی۔