سپریم کورٹ کا اوورسیز پاکستانیوں کے لیے بڑا اقدام: لیٹیگنٹس فیسیلی ٹیشن سیل قائم

اسلام آباد: سپریم کورٹ آف پاکستان نے بیرونِ ملک مقیم پاکستانیوں کی سہولت کے لیے ایک اہم قدم اٹھاتے ہوئے اوورسیز لیٹیگنٹس فیسیلی ٹیشن سیل قائم کر دیا ہے۔

سپریم کورٹ کی جانب سے جاری کردہ اعلامیے کے مطابق، اوورسیز پاکستانی اب واٹس ایپ اور آن لائن پورٹل کے ذریعے سپریم کورٹ سے رجوع کر سکیں گے۔ انہیں اپنے کیس سے متعلق معلومات اور عدالتی فیصلوں کی تصدیق شدہ نقول آن لائن فراہم کی جائیں گی۔

اعلامیے میں وضاحت کی گئی ہے کہ فیسیلی ٹیشن سیل میں صرف سپریم کورٹ سے متعلقہ کیسز کا اندراج کیا جائے گا۔

مزید برآں، اوورسیز پاکستانیوں کو اب جلد سماعت کی درخواست بھی اسی سیل کے ذریعے دینے کی سہولت حاصل ہوگی، جب کہ تمام ریکارڈ ڈیجیٹل طور پر محفوظ کیا جائے گا۔