مقبوضہ بیت المقدس میں مسلح افراد کی فائرنگ سے 5 افراد جاں بحق، 12 زخمی

یروشلم : مقبوضہ بیت المقدس کے راموت جنکشن پر پیر کی صبح مسلح افراد نے بس اسٹاپ پر اندھا دھند فائرنگ کردی، جس کے نتیجے میں 5 افراد جاں بحق اور 12 زخمی ہوگئے۔

عالمی خبر رساں ادارےکے مطابق اسرائیلی پولیس کے مطابق حملہ آوروں نے پہلے بس اسٹاپ پر لوگوں کو نشانہ بنایا اور پھر ایک بھری ہوئی بس میں داخل ہو کر فائرنگ کی۔

پولیس کے مطابق موقع پر موجود ایک سکیورٹی اہلکار اور ایک عام شہری نے جوابی کارروائی میں دونوں حملہ آوروں کو گولی مار کر ہلاک کردیا۔

پولیس حکام کا کہنا ہے کہ یہ حادثہ ایسے وقت میں پیش آیا جب علاقے میں رش تھا۔

 ویڈیوز میں دکھایا گیا کہ درجنوں افراد خوف کے عالم میں بھاگ رہے تھے جبکہ جائے وقوعہ پر شیشہ بکھرا ہوا اور زخمی افراد سڑک و فٹ پاتھ پر پڑے دکھائی دیے،فائرنگ کے بعد سیکڑوں سکیورٹی اہلکار جائے وقوعہ پر پہنچ گئے اور مزید حملہ آوروں یا دھماکا خیز مواد کی تلاش شروع کردی۔

 اسرائیلی فوج نے اعلان کیا کہ اس نے رام اللہ کے قریب فلسطینی دیہات کو گھیرے میں لے لیا ہے۔