آرٹس کونسل سرگودھا میں  خوب صورت ڈرامہ ’’کچی مٹی کے لوگ‘‘ پیش ،عوام کی کثیر تعدادمیں شرکت

سرگودھا: آرٹس کونسل سرگودھا میں  خوب صورت ڈرامہ کچی مٹی کے لوگ پیش کیا گیا، جس میں معروف فنکاروں نے اداکاری کے جوہر دکھائے،، ڈرامے کو عوام کی بڑی تعداد نے دیکھااور کاوش کو سراہا۔

سرگودھا آرٹس کونسل میں منعقدہ ڈرامہ کچی مٹی کے لوگ  میں معاشرتی برائیوں اور فرسودہ روایات کو  موضوع بنایا گیا،، جسے عوام کی بڑی تعداد نے دیکھا اور پسند کیا۔

سینئر اداکار گوشی خان اور دیگر فنکاروں کا کہنا تھا کہ پنجاب حکومت کے ویژن کے مطابق فیملی ڈرامے پیش کیے جا رہے ہیں جو عوام میں مقبول ہو رہے ہیں۔

ڈویژنل ڈائریکٹر آرٹس کونسل سرگودھا مغیث بن عزیز اور دیگر فنکاروں نے ایسے ڈراموں کو تھیٹر کیلئے ناگزیر قرار دیا۔

ڈرامہ کچی مٹی کے لوگ  کی نمایاں کاسٹ میں اداکار گوشی خان، کامران مجاہد،ہما علی ، زاہد علی اور دیگر شامل ہیں۔