کینیڈا کا پاکستان کے سیلاب متاثرین کے لیے 26 لاکھ ڈالر امداد کا اعلان

کینیڈا نے پاکستان میں حالیہ بارشوں اور تباہ کن سیلاب سے متاثرہ افراد کے لیے 26 لاکھ ڈالر کی امداد کا اعلان کیا ہے۔

یہ اعلان کینیڈا کے وزیرِ مملکت رندیپ سرائے نے کیا۔ ان کا کہنا تھا کہ پاکستان میں شدید بارشوں اور سیلاب کے باعث لاکھوں افراد متاثر اور کئی قیمتی جانیں ضائع ہو چکی ہیں۔

رندیپ سرائے نے کہا کہ یہ امداد انسانی ہمدردی کے تحت کام کرنے والی تنظیموں کے ذریعے تقسیم کی جائے گی تاکہ متاثرہ خاندانوں کی فوری ضروریات پوری کی جا سکیں۔