اسٹیٹ بینک: ملکی زرمبادلہ ذخائر میں 2.14 کروڑ ڈالر کا اضافہ

کراچی: اسٹیٹ بینک آف پاکستان نے ملک کے زرمبادلہ ذخائر کے تازہ ترین اعداد و شمار جاری کر دیے ہیں، جن کے مطابق 5 ستمبر کو ختم ہونے والے کاروباری ہفتے کے دوران زرمبادلہ ذخائر میں 2 کروڑ 14 لاکھ ڈالر کا اضافہ ریکارڈ کیا گیا۔

اسٹیٹ بینک کے مطابق 5 ستمبر 2025 تک مجموعی زرمبادلہ ذخائر بڑھ کر 19.68 ارب ڈالر کی سطح پر پہنچ گئے۔

مزید تفصیلات کے مطابق:

• اسٹیٹ بینک کے پاس موجود ذخائر 3 کروڑ 38 لاکھ ڈالر اضافے کے بعد 14.33 ارب ڈالر ہو گئے۔

• کمرشل بینکوں کے ذخائر میں 1 کروڑ 24 لاکھ ڈالر کی کمی ریکارڈ کی گئی، جس کے بعد یہ 5.34 ارب ڈالر تک آ گئے۔