ایک دن کی کمی کے بعد سونا آج پھر مہنگا،فی تولہ کتنے کا ہو گیا؟

کراچی: سونے کی قیمتوں میں ایک دن کی کمی کے بعد آج پھر اضافہ ریکارڈ کیا گیا ہے۔

آل پاکستان جیمزاینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں سونا 2500روپے فی تولہ مہنگا ہوا ہے جس کے بعد سونے کی نئی قیمت 3لاکھ 86ہزار 500روپے کی سطح پر آ گئی۔

اسی طرح  10 گرام سونے کی قیمت میں بھی 2143روپے کا اضافہ ہوا ہے جس کے بعد ملک میں دس گرام سونے کی نئی قیمت بڑھ کر 3لاکھ 31ہزار 361روپے کی سطح پر آ گئی۔

دوسری جانب عالمی بلین مارکیٹ میں فی اونس سونے کی قیمت 27ڈالر کے اضافے سے 3ہزار 645ڈالر کی سطح پر آگئی۔

خیال رہے کہ گزشتہ روز سونے کی فی تولہ قیمت میں 4100روپے کی کمی ریکارڈ کی گئی تھی۔