سعودی ایئرفورس کا وزیر اعظم شہباز شریف کے طیارے کو شاندار فضائی سلامی سے خوش آمدید

وزیر اعظم شہباز شریف سعودی ولی عہد محمد بن سلمان کی خصوصی دعوت پر سعودی عرب پہنچ گئے، جہاں ان کے طیارے کا سعودی فضائی حدود میں داخلے پر پرتپاک استقبال کیا گیا۔

جیسے ہی وزیر اعظم کا طیارہ سعودی ائیر اسپیس میں داخل ہوا، سعودی ایئرفورس کے F-15 لڑاکا طیارے ان کے جہاز کے گرد حفاظتی دائرے میں آگئے اور شاندار طریقے سے ان کا خیرمقدم کیا۔

وزیر اعظم شہباز شریف نے اس استقبالی روایت پر سعودی فضائیہ کو سلامی دی، اور کاک پٹ میں جا کر مائیک کے ذریعے سعودی ولی عہد شہزادہ محمد بن سلمان کا تہہ دل سے شکریہ ادا کیا۔

وزیر دفاع خواجہ آصف نے ایکس (سابقہ ٹوئٹر) پر جاری بیان میں کہا کہ سعودی حکومت کی جانب سے یہ عزت افزائی برادرانہ تعلقات کا مظہر ہے۔ ان کے مطابق، یہ اعزاز وزیر اعظم کی سفارتی بصیرت، ہماری مسلح افواج کی قابلِ فخر کارکردگی، اور اللہ کے فضل کا نتیجہ ہے۔