شہریوں کیلئے اچھی خبر،وفاقی حکومت نے 5 سال پرانی گاڑیوں کی درآمد کی اجازت دیدی

اسلام آباد: شہریوں کے لیے اچھی خبرسامنے آئی ہے ،وفاقی حکومت نے 5 سال پرانی گاڑیوں کی کمرشل درآمد کی اجازت دے دی۔

اس حوالے سے وفاقی وزارت خزانہ کی جانب سے اعلامیہ جاری کر دیا گیا ہے۔

جاری کردہ اعلامیے کے مطابق اقتصادی رابطہ کمیٹی (ای سی سی) نے 5 سال پرانی گاڑیوں کی درآمد کی اجازت دے دی ہے اور یہ گاڑیاں 30 جون 2026 تک درآمد کی جاسکیں گی۔

اعلامیے کے مطابق 5 سال سے کم پرانی گاڑیوں پر 40 فیصد ریگولیٹری ڈیوٹی عائد ہوگی جو اگلے سال سے سالانہ 10 فیصد کم کی جائے گی۔

وزارت خزانہ حکام کے مطابق مالی سال 30-2029 تک درآمدی ڈیوٹی بتدریج ختم کر دی جائے گی،اس کے علاوہ ای سی سی نے پاکستان ورچوئل اثاثہ جات اتھارٹی  کے لیے 80 کروڑ روپے گرانٹ کی منظوری بھی دی۔

اجلاس میں پیٹرولیم، توانائی اور غذائی تحفظ کے وزراء سمیت اعلیٰ حکام شریک ہوئے۔