پاکستان اسٹاک ایکسچینج میں کاروباری ہفتے کے آخری روز زبردست تیزی، ایک لاکھ 61 ہزار کی حد عبور

پاکستان اسٹاک ایکسچینج (پی ایس ایکس) میں کاروباری ہفتے کے آخری روز زبردست تیزی کے باعث ایک اور تاریخ رقم ہوگئی، 100 انڈیکس نے ایک لاکھ 61 ہزار کی حد عبور کرلی۔

کاروبار کےدوران بازار حصص کے 100 انڈیکس میں 1748 پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 61 ہزار سے تجاوز کرگیا۔

آج اب تک کے کاروبار کے دوران بینچ مارک 100 انڈیکس ایک لاکھ 61 ہزار 28 پوائنٹس کی بلند ترین سطح پر بھی پہنچا۔ 100 انڈیکس رواں سال 39 فیصد بڑھ چکا ہے جبکہ ایک سال میں انڈیکس 96 فیصد بڑھا ہے۔

واضح رہے کہ گزشتہ روز کاروبار کے اختتام پر 100 انڈیکس ایک لاکھ 59 ہزار 280 پوائنٹس پر بند ہوا تھا۔