ملکی معیشت درست سمت میں گامزن ہے،  معیشت کی بہتری میں اوورسیزپاکستانیوں کا اہم کردارہے،شہباز شریف

لندن: وزیر اعظم شہباز شریف نے کہا کہ ملکی معیشت درست سمت میں گامزن ہے، ملکی معیشت کی بہتری میں بیرون ملک مقیم پاکستانیوں کا اہم کردارہے۔

تفصیلات کے مطابق نائب وزیراعظم اسحاق ڈار کے ہمراہ برطانیہ میں مقیم تارکینِ وطن سے گفتگو کرتے ہوئے شہباز شریف کا کہنا تھا کہ اوورسیزپاکستانی ہمارا قیمتی سرمایہ ہیں جو ملک کا نام روشن کر رہے ہیں۔

ان کا مزید کہنا تھا کہ ملکی معیشت درست سمت میں گامزن ہے، ملکی معیشت کی بہتری میں بیرون ملک مقیم پاکستانیوں کا اہم کردارہے،مشترکہ کاوشوں سےملک کومعاشی استحکام ملا،وزیراعظم کا کہنا تھا کہ معاشی استحکام بہترین ٹیم ورک کانتیجہ ہے جب کہ عسکری،معاشی اورسفارتی محاذ پرپاکستان کوبڑی کامیابیاں ملی ہیں،حالیہ جنگ میں پاکستان نےدشمن کوشکست فاش دی۔

انہوں نے مزید کہا کہ واشنگٹن میں امریکی صدر ڈونلڈ ٹرمپ سے انتہائی مفید ملاقات ہوئی، اچھے ماحول میں ہونے والی اس میٹنگ سے پاکستان اور امریکا کے تعلقات میں مزید مضبوطی آئے گی۔

وزیراعظم نے کہا کہ 2 سے 3 سال قبل پاکستان کی معیشت ہچکولے کھا رہی تھی، مشترکہ کاوشوں سے آج ہماری معیشیت مستحکم ہورہی ہے، معشیت کی ترقی کا وقت آچکا ہے، معاشی استحکام بہترین ٹیم ورک کا نتیجہ ہے، ٹیم ورک کے بغیر کوئی کامیابی حاصل نہیں کی جا سکتی، عسکری، معاشی اور سفارتی محاذ پر پاکستان کو بڑی کامیابیاں ملیں۔

وزیر اعظم نے مزید کہا کہ اقوام متحدہ کےاجلاس میں پاکستان کا مقدمہ بہترین اندازمیں پیش کیا،غزہ اورکشمیرکےمقدمےکودنیا کےسامنےبہترین اندازمیں اُجاگر کیا،غزہ میں64ہزارفلسطینی شہریوں کوشہید کردیا گیا،غزہ میں ظلم کا خاتمہ اور جلد امن قائم ہونا چاہیے،اُن کا مزید کہنا تھا کہ پاکستان،امریکا کےتعلقات میں بہتری آئی ہے، آنے والے وقتوں میں مزید بہتر ہوں گے۔

اسحاق ڈار

اس موقع پر نائب وزیراعظم اسحاق ڈار نے کہا کہ غزہ کےحوالےسےصدرٹرمپ کےساتھ مسلم ملکوں کےرہنماؤں کی اہم ملاقات ہوئی، امید کرتےہیں اس ملاقات کا مثبت نتیجہ نکلے گا۔

اسحاق ڈار نے کہا کہ نوازشریف کے دور میں پاکستان 24 ویں بڑی معیشت تھا، ہماری حکومت نے پاکستان کو دیوالیہ ہونے سے بچایا، موجودہ کوششیں پاکستانی معیشت کو مزید بہتر کریں گی۔