سندھ حکومت کا انٹر کے امتحانات شیڈول کے مطابق لینے کا اعلان

سعید غنی کا کہنا تھاکہ پہلے بارہویں اور اس کے بعد گیارہویں جماعت کے امتحانات ہوں گے۔

چیئرمین انٹر بورڈ کراچی پروفیسرسعید الدین کے مطابق 26 جولائی سے انٹر کے سالانہ امتحانات شیڈول کے مطابق ہوں گے اور بارہویں کے بعد گیارہویں جماعت کے امتحانات لیے جائیں گے۔

چیئرمین بورڈ کا کہنا تھاکہ انٹر کے امتحانات کی تمام تیاریاں مکمل ہوچکی ہیں، ایڈمٹ کارڈ اور امتحانی تاریخ کا اجرا پہلے ہی مکمل ہوچکا ہے۔ 

خیال رہے کہ صوبے میں کورونا کیسز میں اضافے پر سندھ حکومت نے پیر سے تعلیمی ادارے بند کرنے کا اعلان کیا ہے۔