افغان فوج کے 46 جوانوں کو پاکستان میں پناہ اور محفوظ راستہ دیا گیا: آئی ایس پی آر

آئی ایس پی آر کی جانب سے جاری بیان کے مطابق افغان فوجی چترال میں ارندو سیکٹر میں رات گئے پہنچے تھے، افغان فوج کے 5 افسروں سمیت 46 جوانوں کوپاکستان میں پناہ اورمحفوظ راستہ دیا گیا۔ افغان نیشنل آرمی کے لوکل کمانڈر نے ارندو سیکٹر چترال میں پاک فوج سے پناہ کی درخواست کی تھی، افغانستان سے پناہ کی درخواست کرنے والوں میں بارڈر پولیس کے اہلکار بھی شامل ہیں۔

آئی ایس پی آر کے مطابق پاک فوج نے افغان حکام سے معلومات اور دیگر ضروری اقدامات کیلئے رابطہ کیا، افغان فوجیوں کو کھانا، پناہ اور طبی امداد دی گئی،  افغان فوجیوں کو ضروری طریقہ کار کے بعد افغان حکومت کے حوالے کیا جائے گا۔

آئی ایس پی ار نے مزید بتایا ہے کہ یکم جولائی کو بھی 35 افغان سپاہیوں نے بھی اپنی پوسٹیں چھوڑ کر سرحد پار پاک فوج سے مدد لی تھی اور ان35 سپاہیوں کا بھی بھرپور خیال رکھا گیا اور بعد ازاں انہیں افغان حکام کو واپس کیا گیا ہے۔