اسلام آباد میں فائرنگ سے خاتون سمیت 3 افراد جاں بحق

علاقہ پولیس مطابق تھانہ شمس کالونی میں ملزم نے فائرنگ کرکے بھائی ، بھابھی اور بھیتجے کو قتل کردیا جس کے بعد جائے وقوعہ سے فرار ہوگیا ۔

علاقہ پولیس کے مطابق ملزم کی جانب سے کی جانے والی فائرنگ سے ایک اور شخص بھی زخمی ہوا ہے جسے فوری طور پر طبی امداد کے لیے اسپتال منتقل کردیا گیا ہے۔ ابتدائی طور پر معلوم ہوا ہے کہ فائرنگ لین دین کے تنازع پر کی گئی ہے۔

ملزم کے خلاف تحقیقات شروع کردی گئی ہیں اور فرار ملزم کی تلاش کے لیے چھاپے مارے جارہے ہیں۔