آزاد کشمیر الیکشن: دو کارکنوں کے قتل پر رنجیدہ ہوں ، وزیر اعظم

سماجی رابطے کی ویب سائٹ ٹوئٹر پر ایک پیغام میں  وزیر اعظم عمران خان نے کہا ہے کہ آزادجموں وکشمیر کے کل کے انتخاب کے دوران ہمارے دو حامیوں، ظہیر احمد اور رمضان جو باہم کزنز تھے، کے قتل پر رنجیدہ ہوں۔

وزیر اعظم عمران خان نے ٹویٹ میں کہا کہ  میری دعائیں اور ہمدردیاں ان کے اہلِ خانہ کے ساتھ ہیں۔ میں نے آئی جی کو قاتلوں کی فوری گرفتاری اور لواحقین سے بھرپور اظہارِ ہمدردی کی ہدایات دی ہیں۔

آزادجموں وکشمیر کے کل کے انتخاب کے دوران ہمارے دو حامیوں، ظہیر احمد اور رمضان جو باہم کزنز تھے، کے قتل پر رنجیدہ ہوں۔ میری دعائیں اور ہمدردیاں ان کے اہلِ خانہ کے ساتھ ہیں۔ میں نے آئی جی کو قاتلوں کی فوری گرفتاری اور لواحقین سے بھرپور اظہارِ ہمدردی کی ہدایات دی ہیں۔

— Imran Khan (@ImranKhanPTI) July 26, 2021

خیال رہے کہ  حلقہ ایل اے 12 چڑھوئی میں پولنگ اسٹیشن پر فائرنگ کا واقعہ پیش آیا تھا،  پولیس کا کہنا تھا کہ پیپلز پارٹی اور تحریک انصاف کے کارکنان کے درمیان تصادم سےدوافراد جاں بحق ہوگئے تھے۔