سیکیورٹی فورسز کی خیبر پختونخوامیں کارروائیاں،20خوارجی جہنم واصل

راولپنڈی:سیکیورٹی فورسز نے خیبرپختونخوا میں دو الگ الگ مقامات پر کارروائیاں کرتے ہوئے 20 خارجی دہشتگردوں کو جہنم واصل کر دیا۔

 پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں سیکیورٹی فورسز نے انٹیلی جنس بیسڈ آپریشن کیا،اور خوارج کے ٹھکانوں کو مؤثر طریقے سے نشانہ بنایا جس کے دوران بھارتی حمایت یافتہ 8 خوارج واصلِ جہنم ہو گئے۔

 ترجمان آئی ایس پی آر کے مطابق سیکیورٹی فورسز نے درہ آدم خیل میں دوسری کارروائی کے دوران شدید فائرنگ کے تبادلے میں 12 خوارج جہنم واصل کئے۔

ترجمان نے مزید بتیا کہ علاقے میں مزید ممکنہ دہشت گردوں کے خاتمے کیلئے کلیئرنس آپریشن جاری ہے۔

آئی ایس پی آر کے مطابق سکیورٹی فورسز اور قانون نافذ کرنے والے ادارے انسداد دہشت گردی مہم جاری رکھیں گے اور آپریشنز عزمِ استحکام کے ویژن کے تحت کیے گئے۔ملک سے غیر ملکی حمایت یافتہ دہشت گردی کے خاتمے تک آپریشنز جاری رہیں گے۔