خیبرپختونخوامیں تعلیمی سرگرمیوں کےدوسرےمرحلےکاآج سےآغاز

تفصیلات کے مطابق  خیبرپختونخواکے8تعلیمی بورڈزمیں9ویں ،11ویں جماعت کےامتحانات کاآغاز ہوگیا ہے ۔ 8تعلیمی بورڈزمیں کل6لاکھ72ہزار196طلباامتحانات دیں گے۔ 9ویں جماعت کے 4لاکھ15ہزار962طلباامتحانات میں حصہ لے رہےہیں۔

11ویں جماعت کے2لاکھ 56ہزار234طلباامتحانات میں حصہ لےرہےہیں۔8اضلاع میں 9ویں جماعت کےامتحانات کیلئے 2ہزار554امتحانی مراکزقائم ہیں۔ 11ویں جماعت کیلئےصوبےکے8اضلاع میں13سو85امتحانی مراکز قائم ہیں۔امتحانی ہالزکےاطراف میں فوٹواسٹیٹ مشین لگانےپردفعہ144نافذ ہوا ۔امتحانی ہالزمیں موبائل فونز،دیگرآلات لانےپرمکمل پابندی عائد کی گئی ہے ۔

محکمہ تعلیم کے حکام کا کہناہے کہ امتحانی ہالزکی سی سی ٹی وی کیمروں سےنگرانی کی جائےگی، ویکسی نیشن نہ کرانے والے اساتذہ کو امتحانی ڈیوٹی کے لیے نہیں چھوڑا جائے گا۔نقل کرنے والے اور نقل فراہم کرنے والے اساتذہ اور طلبہ کے ساتھ سختی سے پیش آیا جائے گا۔