کیپٹن محمد سرورشہید نشان حیدر کا آج 73 واں یوم شہادت

کیپٹن سرور شہید کے یوم شہادت پر آئی ایس پی آر کی جانب سے جاری پیغام میں کہا گیا ہے کہ قوم محمدسرورشہیدنشان حیدرکوبھرپورخراج عقیدت پیش کرتی ہے، کیپٹن محمدسرورنے1948کی کشمیرجنگ میں جام شہادت نوش کیا،  کیپٹن محمدسرورشہیدکی جرأت وبہادری،حب الوطنی ہمیشہ یادرکھی جائےگی۔کیپٹن  محمدسرورشہیدنےجان کانذرانہ دیکروطن کادفاع یقینی بنایا۔

Nation pays tribute 2 Capt Muhammad Sarwar Shaheed, NH, #Kashmir War 1948 on 73rd martyrdom anniversary. His matchless chivalry, unwavering resolve & fortitude shall always be remembered.The supreme sacrifice he made,will keep inspiring defenders of the motherland in times 2 come

— DG ISPR (@OfficialDGISPR) July 26, 2021

پاکستان کی عسکری تاریخ کا پہلا اور سب سے بڑا اعزاز نشانِ حیدر حاصل کرنے والے کیپٹن محمد سرور شہید ضلع راولپنڈی کے ایک گاؤں سنگھوری میں 10 نومبر 1910 میں پیدا ہوئے، محمد سرور شہید نے اپنی ابتدائی تعلیم فیصل آباد سے حاصل کی ، 1929 میں انہوں نے فوج میں بطور سپاہی شمولیت اختیار کی، 1944میں پنجاب رجمنٹ میں کمیشن حاصل کیا، جس کے بعد انہوں نے برطانیہ کی جانب سے دوسری عالمی جنگ میں حصہ لیا ، شاندار فوجی خدمات کے پیشِ نظر 1946 میں انہیں مستقل طور پر کیپٹن کے عہدے پر ترقی دے دی گئی۔

قیام پاکستان کے بعد سرور شہید نے پاک فوج میں شمولیت اختیار کرلی۔ 1948ء میں جب وہ پنجاب رجمنٹ کے سیکنڈ بٹالین میں کمپنی کمانڈر کے عہدے پر خدمات انجام دے رہے تھے، انہیں کشمیر میں آپریشن پر مامور کیا گیا۔

محمد سرور کے فوجی دستے نے گلگت بلتستان میں لداخ کی طرف بھارتی فوج کو پسپا کیا تھا جس کے بعد دشمن نے کیپٹن سرور کا راستہ خاردار تاروں سے بند کیا تو انہوں نے انہیں کاٹ ڈالا تھا، خاردار تاریں کاٹنے کے دوران گولہ باری سے کیپٹن سرور کے سینے پر زخم آئے تھے۔ 27 جولائی 1948ء جب ان کی بٹالین نے اڑی سیکٹر میں دشمن کی ایک اہم پوزیشن پر حملہ کیا تو اس حملے کے دوران انہوں نے جرات کا مظاہرہ کرتے ہوئے جام شہادت نوش کیا، مجاہدین نے جب انہیں شہید ہوتے دیکھا تو انہوں نے دشمن پر ایسا بھرپور حملہ کیا کہ وہ مورچے چھوڑ کر بھاگ گئے۔

27 اکتوبر 1959ء کو  شجاعت اور بہادری کی تاریخ رقم کرنے پر کیپٹن راجہ سرور شہید کو پاکستان کے سب سے بڑے فوجی اعزاز نشانِ حیدر سے نوازا گیا۔