مہنگا سونا مزید مہنگا ، قیمت میں آج بھی ہزاروں روپے کا اضافہ

کراچی: عالمی اور مقامی مارکیٹ میں سونے کی قیمت میں آج پھرنمایاں اضافہ ریکارڈ کیا گیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روزمقامی مارکیٹوں میں فی تولہ سونے کی قیمت میں 5ہزار 900روپے کا اضافہ ریکارڈ کیا گیا ہےجس کے بعد سونے کی نئی قیمت بڑھ کر 4لاکھ 35ہزار 762روپے کی سطح پر آگئی۔

ایسوسی ایشن کے مطابق اسی طرح دس گرام سونے کی قیمت 5ہزار 065روپے بڑھ کر 3لاکھ 73ہزار 595روپے کی سطح پر آگئی۔

دوسری جانب عالمی بلین مارکیٹ میں فی اونس سونے کی قیمت مزید 59ڈالر کے بڑے اضافے سے 4ہزار 134ڈالر کی سطح پر آگئی۔ 

خیال رہے گذشتہ روز بھی عالمی اور مقامی مارکیٹ میں سونا  ہزاروں روپے مہنگاہوا تھا۔ عالمی بازار میں سونا 74 ڈالر  اور مقامی مارکیٹ میں ایک تولہ سونا 7400روپے مہنگاہوا تھا جبکہ ایک تولہ چاندی 115 روپے اضافےکے بعد 5209 روپے پر پہنچ گئی تھی۔