27 ویں آئینی ترمیم کے بعد سپریم جوڈیشل کونسل ، جوڈیشل کمیشن اور پریکٹس اینڈ پروسیجر کمیٹی کی تشکیل نو

اسلام آباد:27 ویںآئینی ترمیم کے بعد سپریم جوڈیشل کونسل، جوڈیشل کمیشن اور پریکٹس اینڈ پروسیجر کمیٹی کی تشکیل نو کر دی گئی،چیف جسٹس یحییٰ ٰآفریدی جوڈیشل کونسل کے سربراہ ہوں گے۔

تفصیلات کے مطابق چیف جسٹس یحییٰ آفریدی اور چیف جسٹس وفاقی آئینی عدالت نے جوڈیشل کونسل کی تشکیل نو کر دی۔

علاوہ ازاں جسٹس منیب اختر، جسٹس حسن اظہررضوی اورجسٹس جمال مندوخیل جوڈیشل کونسل کے رکن ہوں گے ، وفاقی آئینی عدالت کے جسٹس عامر فاروق کو جوڈیشل کمیشن آف پاکستان کا حصہ بنا دیا گیا۔

سپریم کورٹ کے اعلامیے کے مطابق جسٹس جمال مندوخیل کو  پریکٹس اینڈ پروسیجر کمیٹی میں بھی شامل کر لیا گیا ہے۔

چیف جسٹس امین الدین خان جوڈیشل کونسل کے دوسرے سینئر ممبر ہوں گے، جسٹس منیب اختر، جسٹس حسن رضوی، جسٹس جمال مندوخیل جوڈیشل کونسل کے رکن ہوں گے جبکہ جسٹس مندوخیل کی نامزدگی دونوں چیف جسٹس نے مشاورت سے کی ہے۔