کورونا کی چوتھی لہر : لاہور میں ماسک چیک پوسٹس قائم

تفصیلات کے مطابق  کورونا  کی چوتھی لہر کے  خدشے کے پیش نظر  لاہور میں ماسک چیک پوسٹس قائم کردی گئیں ہیں۔کمشنر لاہور کیپٹن(ر)   محمد عثمان کے احکامات کے تحت چیک پوسٹس سے ماسک  کی تقسیم شروع کردی گئی۔

ایم سی ایل کے تحت شہر بھر میں 22 مقامات پر ماسکس پوسٹس قائم کیجارہی ہیں۔کمشنر لاہور کے احکامات کےمطابق تمام زونز کا سٹاف شہریوں میں ماسک تقسیم کر رہا ہے۔مال روڈ،اچھرہ بازار،سمن آباد،ٹھوکر نیاز بیگ،جوہر ٹاون،داتا دربار،ہال روڈ،لبرٹی مارکیٹ،لاری اڈا اور دھرم پورہ میں ماسک تقسیم ہو رہے ہیں۔

کمشنر لاہور کیپٹن (ر) محمد عثمان کا کہنا ہے کہ  شہر میں قائم ماسک چیک پوسٹس سے ماسکس اور کووڈ بچاو آگاہی لٹریچر بھی تقسیم کیا جا رہا ہے۔ایم سی ایل افسران کووڈ بچاو آگاہی کےلئے مساجد اعلانات بھی کروائیں گے۔ماسک چیک پوسٹس پر یونیفارم عملہ تعینات ہوگا۔شہریوں کو ماسک پہنائیں گے۔انہوں نے مزید کہا کہ ہر شہری ویکسینیشن اور ماسک پہن کر اپنا دینی،اخلاقی اورقومی فرض ادا کرے۔