وفاقی حکومت نے سونے کی درآمد اور برآمد پر عائد پابندی ختم کردی 

اسلام آباد:وفاقی حکومت نے سونے کی درآمد اور برآمد پر عائد پابندی ختم کردی ہے۔

اس حوالے سے وفاقی کابینہ کی منظوری کے بعد وزارت تجارت نے نوٹیفکیشن جاری کردیا ہے، سونے کی عالمی تجارت سے متعلق معطل شدہ ایس آر او بحال کردیا گیا ہے۔

جاری کر دہ نوٹیفکیشن کے مطابق حکومت نے قیمتی دھاتوں اور زیورات کی درآمد و برآمد سے متعلق کچھ ترامیم بھی کیں ہیں جبکہ قیمتی دھاتوں اور زیورات کی درآمد و برآمد کا فریم ورک برقرار رہے گا۔

نوٹیفکیشن کے مطابق فریم ورک شفافیت اور خود کار نظام میں بہتری کے ساتھ جاری رہے گا، رواں سال مئی میں سونے کی درآمد و برآمد پر پابندی عائد کی گئی تھی۔

اس سال مئی میں سونےکی ایکسپورٹ اورامپورٹ پر پابندی عائد کی گئی تھی، وزارت تجارت نے 6 مئی2025کو سونےکی تجارت منظم کرنے والا ایس آر او 60 روز کے لیے معطل کیا تھا۔

ذرائع کا کہنا ہے کہ سونےکی اسمگلنگ کی شکایت پر ایکسپورٹ اور امپورٹ پر پابندی لگائی گئی تھی۔

واضح رہے کہ سونے کی درآمد اور برآمد کی اجازت دینے سے ملک میں سونے کی قیمتوں میں کمی ہو سکتی ہے۔