مسلسل کمی کے بعد سونا آج پھر ہزاروں روپے مہنگا، فی تولہ کتنے کا ہو گیا؟

کراچی : مسلسل کئی دنوں کی کمی کے بعد عالمی و مقامی مارکیٹوں میںسونے کی قیمت میں ایک بار پھر اضافہ ہو گیا ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوںمیں سونے کے فی تولہ نرخ میں 2300 روپے کا اضافہ ہونے سے نئی قیمت 4 لاکھ 28 ہزار 862 روپے ہو گئی ہے۔

ایسوسی ایشن کے مطابق اسی طرح10 گرام سونا 1972 روپے مہنگا ہوا ہے جس کے بعد نئے نرخ 3 لاکھ 67 ہزار 680 روپے ہو گئے ہیں۔

دوسری جانب عالمی بلین مارکیٹ میں سونے کے نرخ میں 23 ڈالر اضافہ ہونے سے فی اونس سونا 4065 ڈالر کا ہو گیا ہے۔

خیال رہے کہ گزشتہ روز سونے کے نرخ میں کوئی کمی نہیں ہوئی تھی لیکن آج قیمت ایک بار پھر بڑھ گئی ہے۔