مہنگا سونا مسلسل دوسرے روز بھی سستا، فی تولہ کتنے کا ہو گیا؟

کراچی : عالمی و مقامی مارکیٹوں میں سونے کی قیمت میں مسلسل دوسرے روز نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز ملک میں سونے کے نرخ میں 1700 روپے کی کمی ہونے سے فی تولہ سونا 4 لاکھ 41 ہزار 462 روپے کی سطح پر آگیا ہے۔

ایسوسی ایشن کے مطابق اسی طرح دس گرام سونے کی قیمت میں 1457 روہے کی کمی ہونے سے نئی قیمت 3 لاکھ 78 ہزار 482 روپے ہوگئی۔

دوسری جانب عالمی بلین مارکیٹ میں فی اونس سونے کی قیمت میں 17 ڈالرکی کمی ریکارڈ کی گئی ہے جس کے بعد سونے کی نئی قیمت کم ہو کر4191 ڈالر کی سطح پر آ گئی ہے۔

خیال رہے کہ گزشتہ روز بھی سونے کے نرخ میں ایک ہزار روپے کی کمی ہوئی تھی، دو دن میں سونے کی قیمتوں میں 2700 روپے فی تولہ کمی ہو گئی ہے۔