بلوچستان میں سی ٹی ڈی نے 14دہشت گردوں کوہلاک کردیا

کوئٹہ اور بارکھان کے اضلاع کے قریب محکمہ انسداد دہشت گردی بلوچستان نے خفیہ اطلاعات پر مبنی دو کارروائیوں میں بھارتی حمایت یافتہ فتنہ الہندوستان سے تعلق رکھنے والے 14دہشت گردوں کو ہلاک کردیا۔

سی ٹی ڈی کے ترجمان کے مطابق کوئٹہ کے علاقے درخشاں میں آٹھ جبکہ بارکھان میں چھ دہشت گرد مارے گئے۔

ہلاک دہشت گرد صوبے بھر میں دہشت گردی کی کارروائیوں میں ملوث تھے۔

ان کے قبضے سے بھاری مقدار میں اسلحہ اور گولہ بارود بھی برآمد ہوا۔

کارروائیوں کے دوران سی ٹی ڈی کے تین اہلکار زخمی بھی ہوئے۔