مالی سال 2019-20 ؁ء کیلئے تقریباً 6 ارب روپے بعد از محاصل منا فع کو سوئی ناردرن گیس نے منظور کر لیا

تفصیلات کے مطابق29 جولائی 2021؁ء بروز جمعرات کو پرل کونٹی نینٹل ہوٹل، لاہور میں منعقدہ سوئی ناردرن گیس پا ئپ لائنز لمیٹڈکے 56 ویں سالانہ اجلاسِ عام کے دوران کمپنی کے حصہ داران نے کمپنی کے سالانہ گو شوارہ جات برائے مالی سال 2019-20 ؁ء کیلئے تقریباً 6 ارب روپے بعد از محاصل منا فع کو منظور کر لیا جو کہ فی حصہ9.46 روپے بنتاہے۔

مزید براں کمپنی کے حصہ دارن نے 40فیصدنقد مقسوم، جو کہ 4 روپے فی حصہ ہے، کیلئے بو رڈآف ڈائر یکٹرز کی سفارشات کو منظور کیا گیا۔ مزید یہ کہ کمپنی کے حصہ دارن نے چارٹرڈ اکاؤنٹینٹس میسرز یو سف عاد ل کو دوبارہ مالی سال 2020-21 ؁ء کیلئے بیرونی پڑتال کنندہ بھی مقر ر کیا۔ 

چیئر پر سن روحی رئیس خان نے حصہ داران کو بتا یا کہ متعدد اقتصادی،معاشی رکاوٹوں کے با وجود سوئی نا ردرن، بو رڈ آف ڈائریکٹر زکی بہترین رہنمائی میں اعلی انتظامیہ اور ملازمین کی مسلسل کو ششوں کے با عث اچھے نتا ئج حاصل کر نے میں کامیا ب ہو ئے۔انہو ں نے مزید کہا کہ کمپنی نے مسلسل تیسرے سال نقد مقسوم کا اعلان کیا ہے۔

انہو ں نے حصہ داران کو مزید بتا یا کہ بو رڈ آف ڈائریکٹر ز نے پہلی دفعہ خیبرپختو نخواہ کا دورہ کیا اور وزیرِ اعلٰی کے سا تھ ملا قا ت کی۔انہو ں نے خیبرپختو نخواہ کی حکومت کو سراہا کہ ان کے تعاون کے باعث کرک اور دیگر علاقوں میں جہاں نقصانات کی شرح سب سے زیا دہ تھی، کمپنی اپنا تقسیمی نظام بچھانے میں کا میا ب ہو ئی جس کے نتیجے میں غیر محسوب برائے گیس نقصانا ت میں خاطر خواہ کمی آئی۔انہو ں نے مزید بتا یا کہ بو رڈ نئے منیجنگ ڈائریکٹر کی متحرک قیادت میں 5 سالہ جامع کاروباری لائحہ عمل مر تب کر نے میں بھی مصروف ہے جو کہ کارکردگی اور شفافیت میں اضافے کے لیے ڈیجیٹائزیشن کے عمل کو یقینی بنائیں گے۔

ایک تفصیلی سوال وجو اب کی نشست کا بھی انعقاد کیا گیا جس میں متعدد تجا ویز پیش کی گئیں اورحصہ داران کے سوالات کے تسلی بخش جو ابا ت بھی دیے گئے۔

چیئر پر سن، روحی رئیس خان، مینجنگ ڈائر یکٹر، علی جاوید ہمدانی،ڈائیر یکٹران،محمد ہارون، احمد عقیل،ڈاکٹر سہیل راضی خان،چیف فائنینشل آفیسر فیصل اقبا ل اورکمپنی سیکریٹری،امتیاز محمود بھی موجو د تھے۔جبکہ ڈائر یکٹران محمد صالح احمد فاروقی، محمد ہارون الرفیق، عفان عزیزاور سید اختر علی نے بصری رابطے (ویڈیو لنک)کے ذریعے اجلاس میں شمولیت اختیا ر کی۔سالانہ اجلاسِ عام میں کمپنی کی اعلٰی انتظامیہ بھی مو جو د تھی۔

چیئر پر سن،بو رڈ آف ڈائر یکٹرز نے،بو رڈ اراکین،انتظامیہ،عملہ اور خاص طو ر پر وزارت ِتو انائی (پٹرولیم ڈویژن)کی مستقل حمایت اور رہنمائی کے لئے کی جا نے والی قابلِ ستا ئش کو ششوں کا اعترا ف کیا۔