ایک دن کی کمی کے بعد سونا ہزاروں روپےمہنگا، فی تولہ کتنے کاہو گیا؟

کراچی:عالمی و مقامی گولڈ مارکیٹس میں ایک دن کے وقفے کے بعد سونا پھر مہنگا ہوگیا۔

آل پاکستان صرافہ جیمزاینڈجیولرز ایسوسی ایشن کے مطابق کاروباری ہفتے کے دوسرے روز پاکستان میں فی تولہ سونا 6200 روپے مہنگا ہوکر 539562 روپے کا ہو گیا۔

ایسوسی ایشن کے مطابق اسی طرح10 گرام سونے کے بھائو 5316 روپے کے اضافے سے 462587 روپے ہوگئے۔  

علاوہ ازاںملک میں چاندی کی فی تولہ قیمت 460 روپے بڑھ کر 9354 روپے ہوگئی۔

دوسری جانب عالمی بلین مارکیٹ میں فی اونس سونا 62 ڈالر مہنگا ہوکر 5168 ڈالر کا ہو گیا۔

خیال رہے کہ گزشتہ روزملک میں فی تولہ سونے کی قیمت میں 6500 روپے کی کمی ریکارڈ کی گئی تھی جس کے بعد سونے کی نئی قیمت کم ہو کر 533362 روپے کی سطح پر آگئی تھی۔