پاکستان ریلویز کو عید کے تین دنوں میں مسافر ٹرینوں سے ریکارڈ آمدن حاصل کر لی

لاہور:پاکستان ریلویز نے عید کے موقع پر مسافر ٹرینوں کے ذریعے ریکارڈ آمدن حاصل کر لی۔

تفصیلات کے مطابق عید کے پہلے دن 11 کروڑ روپے، دوسرے دن 17 کروڑ روپے جبکہ تیسرے دن 20 کروڑ روپے سے زائد آمدن ہوئی۔

جبکہ گزشتہ ایک ہفتے کے دوران پاکستان ریلویز کو مسافر ٹرینوں سے ایک ارب روپے سے زائد آمدن حاصل ہوئی ہے۔

دوسری جانب وفاقی وزیرِ ریلوے محمد حنیف عباسی نے اس ریکارڈ آمدن کو مثبت پالیسیوں کا نتیجہ قرار دیتے ہوئے انتظامیہ کو مبارکباد دی۔

انہوں نے ہدایت کی کہ مسافروں کی سہولیات میں مزید اضافہ کیا جائے،ان کا کہنا تھا کہ بہتر سہولیات اور مضبوط ریلوے ٹریک مسافروں کا حق ہے اور حکومت ان دونوں پہلوؤں پر کام کر رہی ہے۔

وزیرِ ریلوے نے مزید کہاکہ آئندہ تین سال میں کراچی سے روہڑی تک ریلوے ٹریک کی مکمل اپ گریڈیشن کر دی جائے گی۔