کوئٹہ : وزیراعلیٰ کی دہشتگردوں سے مقابلے میں زخمی پولیس اہلکاروں کے بہترین علاج کی ہدایت

کوئٹہ: وزیراعلیٰ بلوچستان میر سرفراز بگٹی کی ہدایت پر ضلع جھل مگسی میں دہشتگردوں کے خلاف کارروائی کے دوران زخمی ہونے والے پولیس اہلکاروں کو بہتر طبی سہولیات کی فراہمی کے لیے کراچی منتقل کر دیا گیا ہے۔

ترجمان چیف منسٹر سیکرٹریٹ کے مطابق زخمی اہلکاروں میں ایس ایچ او میر حسن، ہیڈ کانسٹیبل محمد اقبال اور کانسٹیبل نثار احمد شامل ہیں، جو دہشتگردوں کے ساتھ مقابلے کے دوران زخمی ہوئے تھے۔

صوبائی حکام کے مطابق تینوں اہلکاروں کو فوری طور پر ابتدائی طبی امداد فراہم کرنے کے بعد مزید علاج کے لیے کراچی کے آغا خان اسپتال منتقل کیا گیا، جہاں انہیں جدید طبی سہولیات فراہم کی جا رہی ہیں۔

وزیراعلیٰ بلوچستان میر سرفراز بگٹی نے واقعے کا نوٹس لیتے ہوئے زخمی اہلکاروں کو بہترین علاج کی فراہمی کی ہدایت کی اور ان کی جلد صحتیابی کے لیے نیک خواہشات کا اظہار کیا ہے۔