Advertisement
پاکستان

صومالیہ میں بحری قزاقوں کے ہاتھوں یرغمال 11 پاکستانیوں کی رہائی کیلئے کوششیں جاری ہیں،دفتر خارجہ

ایران اور امریکا کے درمیان مذاکرات کا سلسلہ تاحال جاری ہے اور پاکستان خطے میں امن کے قیام کیلئے سفارتی سطح پر اپنا کردار ادا کر رہا ہے،ترجمان

GNN Web Desk
شائع شدہ 7 ماہ قبل پر اپریل 30 2026، 3:32 شام
ویب ڈیسک کے ذریعے
صومالیہ میں بحری قزاقوں کے ہاتھوں یرغمال 11 پاکستانیوں کی رہائی کیلئے کوششیں جاری ہیں،دفتر خارجہ

اسلام آباد:دفتر خارجہ نے کہا کہ صومالیہ میں بحری قزاقوں نے 11 پاکستانیوں کو یرغمال بنا لیاہے جن کی بحفاظت رہائی کیلئے 
حکومت پاکستان کی صومالی حکام اور متعلقہ فریقین سے مسلسل رابطے میں ہے اور سفارتی کوششیں جاری ہیں۔

تفصیلات کے مطابق اسلام آباد میں ہفتہ وار بریفنگ دیتے ہوئے ترجمان دفتر خارجہ طاہر اندرابی نے کہا کہ صومالیہ کے علاقے پُنٹ لینڈ کے قریب بحری قزاقوں نے ایک بحری ٹینکر کو روک کر اس میں موجود 11 پاکستانیوں کو یرغمال بنایا۔

ترجمان کے مطابق اس معاملے پر صومالیہ کی حکومت اور جہاز کے مالک سے رابطہ کیا جا رہا ہے تاکہ پاکستانیوں کی جلد اور بحفاظت رہائی ممکن بنائی جا سکے۔

پریس بریفنگ میں ترجمان نے کہا کہ دنیا بھر میں مقیم پاکستانیوں کا تحفظ اور فلاح و بہبود حکومت کی اولین ترجیح ہے اور اس مقصد کیلئے ہر ممکن اقدامات کیے جا رہے ہیں۔

علاوہ ازاں انہوں نے  یہ بھی بتایا کہ کمبوڈیا میں 84 پاکستانی پھنسے ہوئے ہیں، جن میں 76 مرد اور 8 خواتین شامل ہیں۔ ان کے مطابق یہ افراد زیادہ تر سیاحتی یا زائد المعیاد ویزوں پر وہاں موجود تھے اور بعض آن لائن فراڈ سے متعلق ملازمتوں میں ملوث پائے گئے۔ پاکستانی سفارتی مشن کمبوڈین حکام سے رابطے میں ہے اور متاثرہ افراد کو خوراک اور دیگر سہولیات فراہم کی جا رہی ہیں۔

دوسری جانب علاقائی صورتحال پر بات کرتے ہوئے ترجمان دفتر خارجہ کا کہنا تھا کہ ایران اور امریکا کے درمیان مذاکرات کا سلسلہ تاحال جاری ہے اور پاکستان خطے میں امن کے قیام کیلئے سفارتی سطح پر اپنا کردار ادا کر رہا ہے۔ انہوں نے کہا کہ پاکستان نے دونوں فریقین کے ساتھ رابطوں کے چینلز کھلے رکھے ہیں اور مختلف تجاویز پر بات چیت جاری ہے۔

ترجمان کا کہنا تھا کہ وزیراعظم شہباز شریف نے ایرانی صدر مسعود پزشکیان سے رابطہ کیا جبکہ ایرانی وفد نے عباس عراقچی کی قیادت میں پاکستان کا دورہ بھی کیا۔

 وزیراعظم نے سعودی عرب، قطر اور ترکیہ کے اہم دورے کیے اور خلیجی ممالک پر حملوں کی مذمت بھی کی،انہوں نے کہا کہ آبنائے ہرمز عالمی تجارت کیلئے نہایت اہم گزرگاہ ہے اور پاکستان اس کے فوری کھولنے کے مطالبے کی حمایت کرتا ہے۔

ترجمان نے افغانستان کی جانب سے سرحدی علاقوں میں بلااشتعال فائرنگ اور گولہ باری کی بھی مذمت کی اور کہا کہ اس سے شہری آبادی کو نشانہ بنایا گیا۔ انہوں نے امید ظاہر کی کہ خطے میں کشیدگی کم ہوگی اور امن قائم ہوگا۔

Advertisement
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 13 days ago
پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر

  • an hour ago
فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

  • a day ago
نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

  • a day ago
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 13 days ago
انڈر 19 ایشیا کپ: پاکستان نے بھارت کو 3 وکٹ سے شکست دے دی

انڈر 19 ایشیا کپ: پاکستان نے بھارت کو 3 وکٹ سے شکست دے دی

  • 13 days ago
پیٹرول اور ڈیزل کی نئی قیمتوں کا اعلان

پیٹرول اور ڈیزل کی نئی قیمتوں کا اعلان

  • 18 hours ago
متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز  زیر بحث

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث

  • a day ago
شعیب ایوب بٹالوی کی موٹیویشنل تقریر نے حاضرین کے دل جیت لیے

شعیب ایوب بٹالوی کی موٹیویشنل تقریر نے حاضرین کے دل جیت لیے

  • a day ago
دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

  • a day ago
نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

  • 14 days ago
راولپنڈی: گھر سے خاتون اینکر ربیعہ احسن کی گولی لگی لاش برآمد

راولپنڈی: گھر سے خاتون اینکر ربیعہ احسن کی گولی لگی لاش برآمد

  • 13 days ago
Advertisement