افغان طالبان رجیم کی فتنہ الخوارج کی سرپرستی کے ناقابل تردید ثبوت منظرعام پر آگئے

کابل: افغان سرزمین پرفتنہ الخوارج کو نہ صرف محفوظ پناہ گاہیں میسرہیں بلکہ پاکستان میں دراندازی کی بھی کھلی چھوٹ حاصل ہے۔افغان طالبان رجیم کی فتنہ الخوارج کی سرپرستی کے ناقابل تردید ثبوت منظرعام پر آگئے۔

یہ حقیقت واضح ہو چکی ہے کہ افغان طالبان فتنہ الخوارج کو پاکستان کیخلاف بطور"اسٹریٹجک ایسٹ" استعمال کررہےہیں۔افغانستان کےصوبہ کنڑ سے فتنہ الخوارج کےکمانڈرعبدالحمید خراسانی کی پاکستان پرحملہ کرنےکی دھمکی آمیز ویڈیووائرل ہورہی ہے۔

فتنہ الخوارج کے کمانڈر عبدالحمید خراسانی کا اپنے ویڈیو بیان میں کہنا ہے کہ ہمارے زیادہ تر مجاہدین اس وقت علاقے میں موجود ہیں۔ وائرل ویڈیو میں دہشتگرد کمانڈر نے دھمکی دی ہے کہ مجاہدین احکامات کے منتظر ہیں تاکہ پاکستان کی فوج کو جواب دیا جاسکے۔کمانڈرفتنہ الخوارج کے مطابق مجاہدین اور افغان عوام پر فرض ہے کہ افغانستان کے رہنماؤں کا دفاع کریں۔

سیکیورٹی ذرائع کا کہنا ہے کہ فتنہ الخوارج کے کمانڈز کا افغان طالبان کے احکامات کے تابع ہونا، اس امر کی دلیل ہے کہ افغان طالبان رجیم ہی درحقیقت اس فتنے کی مکمل پشت پناہی کر رہی ہے۔

پاکستان افغان سرزمین سے ہونے والی دہشتگردی کے ٹھوس شواہد متعدد بار عالمی فورمز پر پیش کرکےافغان طالبان اور فتنہ الخوارج کے مذموم عزائم کو بے نقاب کر چکا ہے ۔

افغانستان میں فتنہ الخوارج کی موجودگی ثابت کرتی ہےکہ پاکستان کا ان کیخلاف "آپریشن غضب للحق" وقت کی ضرورت اور مکمل طور پر حق بجانب ہے۔