کاروباری ہفتے کے آخری روز سونا ہزاروں روپے سستا، فی تولہ کتنے کا ہو گیا؟َ

کراچی: کاروباری ہفتے کے آخری روز عالمی و مقامی مارکیٹوںمیں سونے کی قیمتوںمیں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج جمعے کے روز مقامی مارکیٹوںمیں فی تولہ سونے کی قیمت 2700 روپے کم ہو کر 4 لاکھ 94 ہزار 62 روپے ہو گئی ہے۔

ایسوسی ایشن کے مطابق اسی طرح 10 گرام سونے کی قیمت 2315 روپے کمی کے بعد 4 لاکھ 23 ہزار 578 روپے تک آ گئی ہے۔

علاوہ ازاں مقامی صرافہ مارکیٹ میں سونے کے برعکس فی تولہ چاندی کی قیمت 80 روپے بڑھ کر 8525 روپے ہوگئی۔

دوسری جانب عالمی بلین مارکیٹ میں بھی سونے کی قیمت میں کمی دیکھی گئی، جہاں فی اونس قیمت 27 ڈالر کم ہو کر 4717 ڈالر ہو گئی ہے۔

خیال رہے کہ گزشتہ روز ملک میں سونے کی قیمتوں میں نمایاں اضافہ ہوا تھا، جب فی تولہ قیمت 7800 روپے جبکہ 10 گرام سونا 6687 روپے مہنگا ہوا تھا۔