پنکی کا برانڈ نیم ہی اس کا پھندا بنے گا،سہولت کاری میں ملوث دیگر کوبھی پکڑا جا رہا ہے،ایڈیشنل آئی جی سندھ

کراچی:یڈیشنل آئی جی آزاد خان نے کہا ہے کہ منشیات فروش انمول عرف پنکی کا برانڈ نیم ہی پھندا بنے گا، افریقی شہری بھی دھندے میں ملوث ہیں،جبکہ ملزمہ کی سہولت کاری میں ملوث دیگر لوگوں کو بھی گرفتار کیا جا رہا ہے۔

تفصیلات کے مطابق شہرِ قائد میں پریس کانفرنس کرتے ہوئے آزاد خان کا کہنا تھا کہ پنکی کا کیس ہمارے لیے ایک ٹیسٹ کیس ہے، ہم اسے منطقی انجام تک پہنچائیں گا۔

دوران پریس انھوں نے کہا کہ ہم کیس میں صرف کراچی تک محدود نہیں، دیکھیئے گا پنکی کا برانڈ نیم ہی اس کا پھندا بنے گا، جو لوگ اس سے نشہ لے کر بیچتے تھے ان کو پکڑا ہے، ملزمہ کے سہولت کاروں کوبھی پکڑا جا رہا ہے، سچل میں پنکی کے پرانے گھر میں ریڈ کی، وہاں سے بھی منشیات مل گئی ہے، یہ منشیات باہر سے آتی تھی۔

ایڈیشنل آئی جی آزاد خان کا کہنا تھا کہ ملزمہ کے بینک اکاونٹس کی تفصیلات لی گئی ہیں، ملزمہ کی جانب سے3 کروڑ کی ٹرانزیکشن کی گئی ہے، اس نیٹ ورک میں افریقا کے لوگ بھی ہیں، ملزمہ پنجاب میں تھی۔

ایڈیشنل آئی جی نے مزید کہا کہ پنکی کیس سے متعلق ایف آئی اے اور سائبر کرائم کے ساتھ رابطہ کر لیا گیا ہے، کیس کی بڑے پیمانے پر تفتیش کی جاری ہے، ملزمہ انمول عرف پنکی کے موبائل سے 869 نمبر ملے ہیں جس میں سے 132 کراچی کے نمبر ہیں۔

ایڈیشنل آئی جی سندھ پولیس نے مزید کہا کہ یہ ہمارے لیے ایک ٹیسٹ کیس ہے، ہر ملوث ملزم کے خلاف کارروائی ہوگی۔