پنجاب حکومت نےصوبے بھر میں مارکیٹس کے اوقات کار میں نرمی کر دی

لاہور: پنجاب حکومت نےصوبے بھر میں مارکیٹس کے اوقات کار میں نرمی کر دی۔

اس حوالے سے صوبائی حکومت کی جانب سے نوٹیفکیشن بھی جاری کردیا گیا،جاری کر دہ نوٹیفکیشن کے مطابق ہوٹلز،ریسٹورنٹس اورفوڈ آؤٹ لیٹس کوبھی اوقات کار کی بندش سے استثنیٰ دیا گیا ہے۔

بعدازاں مشیروزیراعلیٰ ذیشان ملک کا کہنا تھا کہ وزیراعلیٰ پنجاب نے دکانوں، مارکیٹس، شاپنگ مالز، ہوٹلز، ریسٹورنٹس اور فوڈ آؤٹ لیٹس کو یکم جون 2026 تک مقررہ اوقاتِ بندش سے استثنیٰ دے دیا۔

ان کا مزید کہنا تھا کہ تاجر برادری اور تاجر تنظیموں کا دیرینہ مطالبہ تھا کہ عید تک اوقات کار میں تبدیلی کی جائے،وزیراعلیٰ مریم نواز نے عید کی آمد کے حوالے سے عوام اور تاجروں کی سہولت کیلئے اوقات کار میں تبدیلی کی۔

علاوہ ازیں ڈپٹی کمشنر لاہور نے بھی شہر میں کاروباری مراکز رات 10بجےتک کھلے رکھنے کااعلان کردیا، اپنےبیان میں انہوں نے کہا کہ اقدام کا مقصد تاجر برادری کوریلیف فراہم کرناہے۔

تاجر برادری کے دیرینہ مطالبے پر خصوصی رعایت کا اعلان کیاگیا،مارکیٹوں کے اوقات میں توسیع کے فیصلے پر فوری عملدرآمد کی ہدایت کردی گئی۔

خیال رہے کہ اس سے قبل پنجاب حکومت نے کفایت شعاری مہم کے تحت پنجاب بھر میں مارکیٹیس 8 بجے تک بند کرنے کا نوٹیفکیشن جاری کیا تھا۔