آئی جی ایف سی نارتھ بلوچستان کا ڈیرہ بگٹی اور جھل مگسی کا دورہ، شہداء کے لواحقین سے ملاقات

کوئٹہ:آئی جی ایف سی نارتھ بلوچستان نے ڈیرہ بگٹی اور جھل مگسی کا دورہ کیا اور شہداء کے لواحقین سے ملاقات کی۔ڈیرہ بگٹی میں انہوں نے سپاہی عیدو شہید اور سپاہی اختر شہید کے اہل خانہ سے ملاقات کی اور فاتحہ خوانی کی۔

دورے کے دوران جھل مگسی میں بھی آئی جی ایف سی نے شہداء کے اہل خانہ سے ملاقات کر کے ان کی عظیم قربانیوں کو خراج عقیدت پیش کیا۔ اس موقع پر شہداءٔ وطن کے بلند درجات اور وطن کی سلامتی و استحکام کے لیے خصوصی دعا بھی کی گئی۔

اس موقع پر شہداء کے لواحقین نےعظیم قربانیوں پر فخر کا اظہار کرتے ہوئے آئی جی ایف سی کی آمد پر شکریہ ادا کیا اور وطنِ عزیز کے دفاع کے لیے غیر متزلزل عزم کا اعادہ کیا۔