عالمی مارکیٹ میں خام تیل سستا ہونے کے باعث ملک میں پٹرولیم مصنوعات کی قیمتوں میں کمی کا امکان

اسلام آباد:عالمی مارکیٹ میں خام تیل سستا ہونے کے بعد پاکستان میں پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔

ذرائع کے مطابق  ڈیزل کی ایکس ریفائنری قیمت 31 روپے جبکہ پیٹرول کی ایکس ریفائنری قیمت میں 8 روپے 54 پیسے کمی ہو گئی۔

اسی طرح پیٹرول کی ایکس ریفائنری قیمت 277 روپے 6 پیسے سے کم ہو کر 268 روپے 52 پیسے اور ڈیزل ایکس ریفائنری قیمت 322 روپے 28 پیسے سے کم ہو کر 291 روپے 37 پیسے رہی۔

ذرائع نے بتایا کہ پیٹرولیم مصنوعات کی قیمتوں میں ردوبدل کا فیصلہ حکومت کرے گی، معاشی ٹیم کی مشاورت سے وزیراعظم ریونیو اہداف مدنظر رکھ کر فیصلہ کریں گے۔ 

دوسری جانب مارکیٹ ماہرین کا کہنا ہے کہ اگر حکومت پیٹرولیم لیوی اور مارجن کی شرح میں اضافہ نہیں کرتی تو عوام کو پیٹرول اور ڈیزل کی قیمتوں میں واضح ریلیف مل سکتا ہے۔