سابق ایرانی سپریم لیڈرآیت اللہ خامنہ ای کی نماز جنازہ ادا کر دی گئی ،برطانوی اخبار کا دعویٰ

ویب ڈیسک:برطانوی اخبار نے دعویٰ کیا ہے کہ ایران کے شہید رہنما سابق سپریم لیڈر آیت اللہ علی خامنہ ای کی نماز جنازہ ادا کر دی گئی ہے۔

برطانوی اخبار دی ٹیلی گراف کے مطابق آیت اللہ علی خامنہ ای کی نماز جنازہ تہران میں انتہائی سیکیورٹی میں جمعرات کو ادا کی گئی۔ جس میں علی خامنہ ای کے اہلخانہ اور کچھ سرکاری عہدیداروں نے شرکت کی۔

برطانوی اخبار کا کہنا ہے کہ تقریب کو مکمل طور پر خفیہ رکھا گیا اور سیکیورٹی خدشات کے باعث عوامی شرکت کی اجازت نہیں دی گئی۔

تاہم اس خبر کی تاحال کسی آزاد یا سرکاری ذریعے سے تصدیق نہیں ہوسکی جبکہ ایرانی حکومت یا سرکاری میڈیا کی جانب سے بھی اس حوالے سے کوئی باضابطہ بیان جاری نہیں کیا گیا۔

خیال رہے آیت اللہ خامنہ ای 28 فروری کو امریکا اور اسرائیل کے حملوں کے پہلے روز اپنے چند اہلِ خانہ سمیت شہید ہوئے تھے۔ ان کے ساتھ ایران کے کئی اعلیٰ فوجی کمانڈرز اور مشیران بھی شہید ہوئے تھے۔