خطے میں جنگ بندی چاہتے ہیں،ایرانی ایٹمی پروگرام بند کرنے پر پیشرفت ہوئی ہے، جے ڈی وینس

سوئٹزرلینڈ:امریکی نائب صدر جے ڈی وینس نے کہا کہ وہ مشرق وسطیٰ میں جنگ بندی چاہتے ہیں،حالیہ مذاکرات میں ایران نے جوہری پروگرام بند کرنے کے حوالے سے اچھی پیشرفت ہوئی ہے۔

غیر ملکی میڈیا رپورٹس کے مطابق امریکہ کے نائب صدر جے ڈی وینس نے نیوز بریفنگ میں کہا کہ آبنائے ہرمز کو باقاعدہ طور پر کھول دیا گیا ہے۔ اور ایران نے اپنے ملک میں آئی اے ای اے کو آنے کی اجازت دے دی ہے۔

پریس کانفرنس انہوں نے کہا کہ امریکا چاہتا ہے لبنان سے متعلق تمام فریقین کے درمیان مناسب ہم آہنگی کو یقینی بنایا جائے۔ اور ایران نے بین الاقوامی جوہری توانائی ایجنسی کے انسپکٹرز کو دوبارہ ملک میں آنے پر اتفاق کر لیا ہے۔

ان کا مزید کہنا تھا کہ ایران امریکا تکنیکی مذاکرات آئندہ دنوں اور ہفتوں میں بھی جاری رہیں گے،جبکہ ایرانی وفد کے ساتھ معاملات آگے بڑھانے پر گفتگو ہوئی ہے۔ اور ایران کے ساتھ بہت سے معاملات پر پیشرفت ہوئی۔ تکنیکی ٹیمیں مختلف امور پر کام کر رہی ہیں۔ جبکہ مستقبل کے لائحہ عمل کے لیے مضبوط بنیاد فراہم کر دی ہے۔

انہوں نے کہا کہ ایرانی ایٹمی پروگرام بند کرنے پر پیشرفت ہوئی ہے۔ حزب اللہ اور اسرائیل کی لڑائی کیسے روکی جائے اس پر بھی گفتگو ہوئی،جبکہ ہم نے کل سعودی عرب، لبنانی اور اسرائیلی حکام سے بات چیت کی،ان کا کہنا تھا کہ امریکا خطے میں وسیع پیمانے پر جنگ بندی چاہتا ہے۔ اور ہم چاہتے ہیں اسرائیل لبنان میں حملے نہ کریں اور چاہتے ہیں لبنان کی خود مختاری کو محفوظ رکھا جائے۔ ہر ملک کو اپنے دفاع کا حق حاصل ہے۔

انہوں نے کہا کہ ایرانی منجمند اثاثے سے متعلق امریکا نے ایسا طریقہ کار قائم کرنے کی کوشش کی ہے جس کے ذریعے اس بات کو یقینی بنایا جا سکے کہ یہ فنڈز ایرانی عوام کی مدد کے لیے استعمال ہوں۔